Estrechu de Magallanes | |
---|---|
Situación | |
País | Chile |
Rexón | Rexón de Magallanes y de l'Antártica Chilena |
Tipu | estrechu |
Coordenaes | 54°S 71°W / 54°S 71°O |
Datos | |
Noamáu por | Fernão de Magalhães |
Fondura | 1080 m |
El estrechu de Magallanes ye un pasu marítimu alcontráu nel estremu sur de Chile —ente la Patagonia, la isla Grande de Tierra del Fueu y delles islles allugaes al oeste d'esta escontra l'océanu Pacíficu—. Ye'l principal pasu natural ente los océanos Pacíficu y Atlánticu. Alministrativamente, pertenez a la rexón de Magallanes y de l'Antártica Chilena, el territoriu chilenu más austral.
D'alcuerdu a la Organización Hidrográfica Internacional, la so boca oriental ta determinada pela llinia que xune'l cabu Vírxenes col cabu del Espíritu Santu.[1] Sicasí, esta llende nun foi aceptada nin por Arxentina nin por Chile, que roblaron el Tratáu de 1984, qu'estableció nel so artículu 10º que «el términu oriental del Estrechu de Magallanes [ta] determináu por punta Dungeness nel Norte y cabu del Espíritu Santu nel Sur»,[2] considerándolo íntegramente dientro de la xurisdicción de Chile, na rexón de Magallanes y de l'Antártica Chilena. Acordies colos trataos arxentín-chilenos de 1881 y 1984, l'accesu pela so boca oriental y la navegación del mesmu atópense aseguraos a los buques de toles banderes en tou tiempu y circunstancia.
© MMXXIII Rich X Search. We shall prevail. All rights reserved. Rich X Search